12/12/2024
🔥 وهو عمر بيعدي 🔥 بقلم : محمــد سليمــان أبوسند رسم الزمن على الوش حكاية من حكايات منها اللي كان حلو ومنها كتير بالغش ماهو طعم المراره جراح وهو عمر بيعدي لملم دفاترك والأيام وافرش حصيرة ود للي جاي يمكن يكون فى الدمع والأهات فرج مستخبي فى عب عتمة ليل يطلع معاه الفجر ينور تسابيح جناين عمرك وتكون بداية حكايتك حلم او كوابيس حملك تقيل كان لا فى يوم بكيت ولا مليت ضحكت معاك دنيتك ضحكة رضيع بعد البكا والنوح٠٠٠ أوعاك فى يوم تضعف إياك فى يوم تحكي فضفض لنفسك جوا نفسك أصل الحكايه ٠٠٠ مش حكايتك ولا القصه من البداية كانت قصتك شاغل بيها بالك ليه وغارق ف وسط بير وبحر غويط لكن اللي نجى يوسف قادر فى لحظة صفا ينولك أمانيك وعجبي بقلم : محمــد سليمــان أبوسند
الاشتراك في:
تعليقات الرسالة (Atom)
ليست هناك تعليقات:
إرسال تعليق