12/12/2024
( العمل و صالح الأعمال ) ..للشاعر الدكتور علي مسلم عجمي -------------------------- الإنسان لو ما كان في عندو عمل بالمجتمع ما بعتقد منو أمل صالح الأعمال كنز من الكنوز محبة و تسامح و الشرع خيرو اكتمل مساعدة و رأفة عند ما يشاهد عجوز يكلمو بتهذيب و بأرقى جُمل هيك بالدارين بيظللو يفوز مكسب..معيشة و باب للجنة حمل عامل الناس بصدق ما بتكفي الرموز بيبادلوك بذات ما الفعل اشتمل اعمل وكِد بخير غيرو ما يجوز أعمال فيها الشر بيوقِّع جَمل إعمل و إعرق .صار في عندك بروز مرة تكون الأسد و بمرة الحمل العمل لوما كان صالح تا يحوز المنفعة.. بالمزبلة رح يندمل العمل مبدا وكسب للمال و أمان و تقوى و مصالح لها شكر و إمتنان حب شو ما تعمل ان عندك عَمَـل منشان تعمل الإنت بتحبو كمان إعمل و إزرع قمح لما يكتمل بتحصد قمح بالعمل ما بتحصد زوان و لما بتعمل خير جَنيُو عا أمل خيرك يفيد و ينتشر في كل آن بتعمل لوحدك غير ما يكون اشتمل مع ناس جنبك ..زاد نفع و إتزان إعمل بزأرة أسد لا تكون الحمل و يستغلك شخص ما بيرحم جبان حكمة بديعة العقل أسرارا لَقَط لو اعجبك إنسان بالدنيا فقط و بجمالو حروف و عليها نُقط و جاذبية عطرها رش النقط بتقول مهما كان عاجبني كتير ان ما كان عندو عمل من عيني سقط الشاعر… د. علي مسلم عجمي لبنان
الاشتراك في:
تعليقات الرسالة (Atom)
ليست هناك تعليقات:
إرسال تعليق