و سألت زماني ____________ هو انت بتتعب و تعاني و تقول على الانسان أناني و كل الخلائق ظلماني أنا يوم بيعدي و لا برجع تاني و احترت معانا يا زماني *** بيقول عليك دنيا صعبه بتعاملنا كأننا لعبه و الضربه وراها كام ضربه و تبقى سعيد لو في كربه مش قابل مننا حتى الكلمه *** يا زمان عايشينك في حرمان يا زمان ضاغط على الغلبان شفنا معاك كل الألوان و أصيل الدنيا شرب الهوان و الواطي صبح له كيان *** و يعدي عام و وراه أعوام و مريض بيئن من الآلام لا عيونه ولا قلبه في ليله بينام كان كل مناه يحقق أحلام ولا قادر يلعن الأيام *** ماسمعت منك يازمان رد و كأن حياتنا حب و ود دا كل حياتنا شقى و كد و كأنك يازماني غاوي عند فاكر ان حياتنا ورد و شهد *** يا زمان شاهد على أعمالنا بتسجل لنا حتى كلامنا و لا عمرك مره تجاملنا و تقول حتى اللي في ضمايرنا و لا عمرك راح تشتكي منا *** يا زمان عابر ما هو انت الماضي و الحاضر و لا يوم تتعالى و تكابر و علينا بتسامح و صابر ولا يوم تعلن و تخابر و معانا لحد المقابر *** شاهد علينا بأمر الله الصالح عمله يعلن ضياه و العاصي بين الخطايا تاه و الكل بين يدي مولاه يطلب من ربه عفوه و رضاه (((أسامه جديانه)))

Welcome to Alaa's blog