27/10/2024
اصحوا ياعرب لما العراق غزت الكويت كان رد أمريكا غلب جمع الجيوش للرد وكان أول جيوشها من العرب علشان مايشعل بِنا نار ويزيد كمان فيها اللهب ورد ع العدوان بشدة وزاد في ناره والحطب طب ليه في القدس النخوة كان فيها العطب وليه الكيل بمكيالين ونحكم فينا أبولهب وكل يوم بنشوف مجازر م اليهود ضد العرب وليه ضميرنا بنا خاب وولى منا وذهب وفين الأمن يامجلس عنب وفين عقولكوا ياعرب ولا الضمير ولى وهرب ولا احنا شاطرين ع القريب وع الغريب إلزم أدب فكر يا صاحبي في الحكاية قبل العروبة ماتنضرب ومد ايدك للي بيته بينهدم وبيتخرب واوعاك تآمِن. مكر ديب طول عمره لابد في القصب طول ماأخوك ايده ف اديك هتشوف معاه كل العجب وارمي الخلاف من بين اديك دي الوحدة أغلى من الدهب هتلاقي مجد عروبة ليك راجعة ونورها ماينحجب يارب يكون وصل إليك كلام ضميري اللي غلب ويكون كلامي خفيف عليك مايكونش جمر أو لهب بقلم الشاعر فهمى محمود حجازى
الاشتراك في:
تعليقات الرسالة (Atom)
ليست هناك تعليقات:
إرسال تعليق