20/09/2024
من أنتم؟!🇪🇬 *********** بقلمي✍️ السيد عطاالله إحنا رمال الأرض و الطين إحنا ناس غلابة مطحونين إحنا الفرحة في قلب الأنين إحنا الأمل و تفاؤل الحزين إحنا إبتسامة و ألم السنين إحنا نهار و بيوت الفلاحين إحنا المدن و كل المتمدينين إحنا شهامة الناس الطيبين إحنا البساطة و المتنعمين إياك ما عرفتش إحنا مين إحنا سبقنا الحضارة بسنين الأهرام و أبو الهول الأمين نيل حضن غيطان فلاحين إحنا المدارس و المدرسين إحنا الأزهر منارة الدين إحنا الأدباء و المفكرين إحنا الفن أيوه و الفنانين أنا زغلول و عرابي الزين إسأل تاريخ و مستعمرين الكرامة لها في الدم جين إحنا العبور و كنا صايمين إحنا نصر تلاتة و سبعين إحنا همه عاش المصريين كلمات السيد عطاالله.
الاشتراك في:
تعليقات الرسالة (Atom)
ليست هناك تعليقات:
إرسال تعليق