( صاحبة الخمار الأسود )… للشاعر الدكتور علي مسلم عجمي --------------------------------- توضيت ساعة مغربية للصلا صوت المؤذن عم ينادي للملا مشيت و قبل ما أوصل بعشرة متار جنب باب المسجد النور امتلى وقفت صبية و عالوجه حطت خمار و رغم الخمار النور شعشع بالفلا ما عرفت كيف و ليش صار لي إنهيار ما قدرت إمشي و لا ركابي إحملا صلوا جماعة و بعدني بالإنتظار هيي قبالي واقفة بكل الحَلا تقول كل شي بالسما نجوم و قمار و شمس عند عيونها ما في صِـلا كرمال الله و وجه بالنور انجلى كرامة نبينا المصطفى ال كلو وِقار ردي عليي هامتي و الإعتبار ضاعت صلاتي ألف لا حولى ولا ما توقفي وقت الصلا ليل و نهار عند باب المسجد عليكي نِقاب بتحرمينا الواجب و فرض الصلا *************************** حْلِفت اليمين و قلت ما بدي احكي معاها و لو إجت حدي طالما بالعهد ما في إلتزام و ما عندها نخوة وقت شِدي قالت بحبك ليش تحكي هالكلام و بحبها عم شك من مدي عفراقها قديش متحمل ألام و رغم الألم و الشفا ضدي ما قدرت إصبر غير ليلة بالتمام إلا ما إسمع صوت بيندي تا سألت شو كفارة الحلف اليمين يا فتاوي اكتبي و بالعجل ردي الشاعر د. علي مسلم عجمي لبنان